ကုလားတန်စီမံကိန်းကို ၂၀၂၇ခုနှစ်တွင် အဆင်သင့်ဖြစ်မည်

ဇူလိုင်လ ၈၊ ၂၀၂၅။ သောင်ရင်းသတင်းလွှာ အိန္ဒိယသည် မြန်မာ၏အကူအညီဖြင့်ကုလားတန်ဘက်စုံသုံး သယ်ယူပို့ဆောင်ရေးစီမံကိန်း (KMMTTP) ကို၂၀၂၇တွင်အကောင်အထည်ဖော်နိုင်မည်ဖြစ်သဖြင့် မီဇိုရမ်ပြည်နယ် အိုက်ဇောနှင့် အနောက်ဘင်ဂေါပြည်နယ် ကိုလ်ကတ္တားကြား အကွာအဝေးကို ၂၀၂၇ ခုနှစ်တွင် ကီလိုမီတာ ၇၀၀ တိုစေမည်ဖြစ်ကြောင်း သင်္ဘောဝန်ကြီး Sarbananda Sonowal ကဇူလိုင် ၇ရက်နေ့တွင် ပြောကြားခဲ့သည်ဟု NDTV သတင်းကဖော်ပြသည်။ KMMTTP သည် အိန္ဒိယနိုင်ငံ၏ အရှေ့မြောက်ဒေသကို ကျန်နိုင်ငံများနှင့် ဆက်သွယ်ပေးကာ ဘင်္ဂလားဒေ့ရှ်နိုင်ငံကို ဖြတ်ကျော်ကာ ဘင်္ဂလားပြည်နယ် Siliguri ရှိ ဒေသငယ်ဖြစ်သည့် 'သေးငယ်ကျဥ်းမြှောင်းသောဒေသ ၏ အခြားရွေးချယ်စရာဖြစ်လာမည်ဖြစ်သည်။ ရေကြောင်းပို့ဆောင်ရေး ဝန်ကြီးဌာနသည် စီမံကိန်း၏ ရေကြောင်းလမ်းများ ဖွံ့ဖြိုးတိုးတက်ရေး အတွက် ရူပီး ကုဋေ ၁,၀၀၀ ရင်းနှီးမြှပ်နှံထားပြီး ကျန်သော အေဂျင်စီများက စောင့်ရှောက်ပေးနေကြောင်း Mr Sonowal က ပြောကြားခဲ့သည်။ “သယ်ယူပို့ဆောင်ရေးမရှိဘဲ အသွင်ကူးပြောင်းမှုဆိုတာ မရှိပါဘူး” ဟု Mr Sonowal ကပြောသည်။ "ကုလားတန် ဘက်စုံ သယ်ယူပို့ဆောင်ရေး စီမံကိန်းသည် အိန္ဒိယ မြန်မာ ချစ်ကြည်ရေး စာချုပ်၏ ရလဒ် ဖြစ်သည်။ အိန္ဒိယ အရှေ့မြောက်နှင့် မြန်မာနိုင်ငံကြား ချိတ်ဆက်မှု တိုးမြှင့်ရန် မဟာဗျူဟာ စီမံချက် တစ်ခု ဖြစ်သည်။ ၎င်းသည် ၂၀၂၇ ခုနှစ်တွင် အပြည့်အဝ လည်ပတ်ရန် ရည်မှန်းထားသည်"ဟုသူကဆိုသည်။ ဝန်ကြီးချုပ် Narendra Modi ၏ အမြော်အမြင်ရှိသော ဦးဆောင်မှုအောက်တွင် အရှေ့မြောက်ဘက်သည် Bharat ၏…