ထိုင်းဝန်ကြီးချုပ်ဟောင်းသက်ဆင်

စက်တင်ဘာ ၅၊ ၂၀၂၅။ သောင်ရင်းသတင်းလွှာ ပါလီမန်မှာ ထိုင်းနိုင်ငံရဲ့ ၃၂ ယောက်မြောက် ၀န်ကြီးချုပ်ကို မဲပေးဖို့စီစဉ်ထားပြီး အတိုက်အခံ ပြည်သူ့ပါတီက ကျောထောက်နောက်ခံပြုထားတဲ့ Bhumjaithai ပါတီ ခေါင်းဆောင် Anutin Charnvirakulဟာ သေချာပေါက်ရွေးချယ်ခံရမယ့်အချိန်မတိုင်ခင်တညမှာဝန်ကြီးချုပ်ဟောင်း သက်ဆင် ရှင်နာဝပ်ဟာ ပြဇာတ်ဆန်ဆန် ထိုင်းနိုင်ငံကနေ ထွက်ခွာသွားတယ်လို့ Khaosod သတင်းကစက်တင်ဘာ ၅ရက်မှာဖော်ပြပါတယ်။ Pheu Thai ပါတီရဲ့ ကိုယ်စားလှယ်လောင်းအဖြစ် ရလဒ်ကို ပြန်ပြောင်းပြီး ပါလီမန်ကို ဖျက်သိမ်းဖို့တွန်းအားပေးမဲတွေရယူမယ့်အစား သက်ဆင်ဟာ ကြိုတင်ကြေငြာခြင်းမရှိဘဲ ထိုင်းနိုင်ငံကနေ တိတ်တဆိတ် ထွက်ခွာသွားခဲ့တာဖြစ်ပါတယ်။ ဒွန်မောင်းလေဆိပ်ရှိ လူဝင်မှုကြီးကြပ်ရေးရဲတပ်ဖွဲ့က ထွက်ခွာခြင်းမပြုမီတားဆီးခဲ့ပြီးစာရွက်စာတမ်းတွေကိုစစ်ဆေးပြီးနောက်ပိုင်းစက်တင်ဘာ ၄ ရက် ညပိုင်းက ထွက်ခွာသွားတဲ့သတင်းကြီးဖြစ်လာပါတယ်။ စက်တင်ဘာ ၉ ရက်မှာ ၎င်းရဲ့ “၁၄ လွှာအမှု” နဲ့ပတ်သက်ပြီး အရေးကြီးတဲ့တရားရုံး စီရင်ချက်မချမီမှာ သူဟာ နိုင်ငံရပ်ခြားကို ထွက်ပြေးသွားတယ်လို့လူအများက ယုံကြည်ကြပါတယ်။ စက်တင်ဘာ ၄ ရက်မှာဒွန်မောင်းမြို့ လူဝင်မှုကြီးကြပ်ရေးဌာနက MJets က စင်ကာပူနိုင်ငံကိုကိုယ်ပိုင်ဂျက်လေယာဉ်နဲ့ထွက်ခွာမယ့်ခရီးသည်တစ်ဦးအကြောင်း အကြောင်းကြားစာ ရရှိခဲ့တယ်လို့လူဝင်မှုကြီးကြပ်ရေးဌာနခွဲ (၂) မှူး ရဲချုပ် Choengron Rimphadi က ညနေ ၄ နာရီ ၅၀ မိနစ်အတည်ပြုခဲ့ပါတယ်။ သက်ဆင်ရဲ့အမည်ဟာ လေယာဉ် T7GTS မှာ ပေါ်လာတယ်လို့ဆိုပါတယ်။ (more…)