ဖူးခက်ကစားသောက်တစ်ဆိုင်

စက်တင်ဘာ ၆၊ ၂၀၂၅။ သောင်ရင်းသတင်းလွှာ ထိုင်းနိုင်ငံဖူးခက်မြို့မှာ မြန်မာနိုင်ငံသားတစ်ဦးရဲ့ စားသောက်ဆိုင်တစ်ဆိုင်ကို အာဏာပိုင်တွေက ဝင်ရောက်စီးနင်းပြီး နိုင်ငံခြားသား အလုပ်သမားတွေ လုံးလုံးလျားလျား တရားမဝင် လုပ်ကိုင်နေတာကို တွေ့ရှိပြီးနောက် ဖမ်းဆီးလိုက်တယ်လို့ The Thaiger သတင်းကစက်တင်ဘာလ ၆ရက်မှာဖော်ပြပါတယ်။ သူငယ်ချင်းဆိုင် လို့အမည်ပေးထားတဲ့ အဆိုပါနေရာဟာ ဖူးခက်မြို့၊ ဘန်ကောက်လမ်းရှိ Public Market 1 နောက်မှာ တည်ရှိပါတယ်။ ၎င်း၏ရဲ့လုပ်ငန်းဆောင်ရွက်မှုနဲ့ ပတ်သက်ပြီး ဒေသခံတွေဆီက တိုင်ကြားမှုတွေရရှိ အပြီးမှာ ဝင်ရောက်စီးနင်းခဲ့ခြင်း ဖြစ်တယ်ဘန်ကောက်ပို့စ် သတင်းအရ သိရပါတယ်။ ဖူးခက်ခရိုင် လုံခြုံရေး အရာရှိချုပ် ဦးဆောင်တဲ့ တာဝန်ရှိသူတွေက စစ်ဆေးရေး အဖွဲ့တစ်ဖွဲ့က ဆောင်ရွက်ခဲ့တာဖြစ်ပါတယ်။ အဆိုပါ စားသောက်ဆိုင်ဟာထိုင်းဝန်ထမ်းမရှိတဲ့မြန်မာနိုင်ငံသား သီးသန့် ဝန်ထမ်းဆိုင်ဖြစ်တယ်လို့ ၎င်းတို့ တွေ့ရှိခဲ့ပါတယ်။ ဆိုင်းဘုတ်တွေ၊မီနူးတွေ၊ အော်ဒါစာရွက်တွေနဲ့ ဖြတ်ပိုင်းတွေအားလုံးကို မြန်မာဘာသာနဲ့သာ ရေးသားထားတယ်လို့လည်းသတင်းကဆိုပါတယ်။ ဖောက်သည်အများစုဟာလည်း မြန်မာအသိုင်းအဝိုင်းကဖြစ်ပါတယ်။ ဆိုင်တာဝန်ခံဖြစ်သူ အသက် ၃၇ နှစ်အရွယ် ဇော်မင်းလတ်ကို တာဝန်ရှိသူတွေက ဖမ်းဆီးခဲ့ပါတယ်။ (more…)