မြန်မာ့လူသားအရင်းအနှီး

ဒီဖြစ်ရပ်က မြန်မာ့ပညာရေးအခင်းအကျင်းရဲ့လုံခြုံစိတ်ချရမှုကိုပြင်းထန်စွာထိခိုက်စေခြင်းနဲ့စစ်အင်အားကို တိုးမြှင့်စေခဲ့ပါတယ်။ စစ်တပ်က ဆရာနဲ့ကျောင်းသားတွေကို မတရားဖမ်းဆီးထောင်ချခြင်း၊ စစ်ဆင်ရေးအခြေစိုက်စခန်းတွေအဖြစ် စာသင်ကျောင်းတွေကို သိမ်းယူခြင်း၊ ပညာရေးဆိုင်ရာ အခြေခံအဆောက်အအုံတွေကိုဖျက်ဆီးခြင်း၊ အစိုးရကျောင်းတွေမှာ စစ်ဘက်ဆိုင်ရာ စံနှုန်းတွေနဲ့ကျောင်းသားတွေကို မှည့်ခေါ်ထားခြင်းနဲ့ အမျိုးသားရော အမျိုးသမီးပါ မဖြစ်မနေ စစ်မှုထမ်းရမယ့်ဥပဒေကိုပြဌာန်းထားပါတယ်။ ခြုံငုံအကျိုးသက်ရောက်မှုကကျောင်းနေအရွယ်ကလေးတွေရဲ့ ၄၇ ရာခိုင်နှုန်းသာစာရင်းသွင်းထားတာကြောင့် ကျောင်းနေအရွယ်ကလေး ၇ သန်းနီးပါးကို ကျောင်းပြင်ပသို့ထွက်သွားစေခြင်းပဲဖြစ်ပါတယ်။ စနစ်ကျတဲ့စိန်ခေါ်မှုတွေကို ကိုင်တွယ်ဖြေရှင်းရာမှာ ရေရှည် ကျယ်ကျယ်ပြန့်ပြန့် ချဉ်းကပ်မှု လိုအပ်ပေမယ့်လည်း၊ ထင်ရှားတဲ့အတားအဆီးတွေက ရေတို နိုင်ငံတကာ လူသားချင်း စာနာထောက်ထားမှုဆိုင်ရာ အစီအမံတွေကို အနှောင့်အယှက် ဖြစ်စေပါတယ်။ ဗျူရိုကရေစီ အတားအဆီးတွေနဲ့မြေငလျင်ကြောင့် ဖြစ်ပေါ်လာတဲ့အခြေခံအဆောက်အအုံများ ပြိုကျမှုဟာအထူးသဖြင့် အတိုက်အခံတွေထိန်းချုပ်ထားတဲ့နယ်မြေတွေမှာ ထိခိုက်လွယ်တဲ့ပြည်သူတွေကို နိုင်ငံတကာ အကူအညီတွေထိရောက်စွာ ပေးအပ်ခြင်းကို တားဆီးထားပါတယ်။ စစ်ရေးပိတ်ဆို့ခြင်း၊ ညမထွက်ရအမိန့်ထုတ်ခြင်း၊ စစ်ဆေးရေးဂိတ်တွေ၊ အကူအညီပေးရေးယာဉ်တန်းတွေကို တိုက်ရိုက်တိုက်ခိုက်ခြင်း၊ အင်တာနက်ပိတ်ခြင်းနဲ့မကြာခဏလေကြောင်းတိုက်ခိုက်မှုတွေက အကူအညီတွေကို အနှောင့်အယှက်ဖြစ်စေပါတယ်။ ရံပုံငွေ ပြတ်လပ်မှုကြောင့် ထင်ရှားတဲ့ပထဝီဝင်နိုင်ငံရေး ပြုပြင်ပြောင်းလဲမှုတွေမှာ အမေရိကန် သမ္မတ ဒေါ်နယ်ထရမ့်ပြန်လာမှုနဲ့ယူကရိန်းစစ်ပွဲက နိုင်ငံတကာ အကူအညီတွေရဲ့ရေရှည်တည်တံ့မှုကို ဆိုးရွားစွာ ထိခိုက်စေခဲ့ပါတယ်။ ထရမ့်ရဲ့ "America First' ပေါ်လစီကနိုင်ငံခြားအကူအညီနဲ့ဖွံ့ဖြိုးရေးအကူအညီတွေကို ဖြတ်တောက်လိုက်ခြင်းဟာ မြန်မာနိုင်ငံအတွက် လုပ်ဆောင်နေတဲ့ လူသားချင်းစာနာမှုဆိုင်ရာ အစီအစဉ်တွေကို ရပ်ဆိုင်းခြင်းနဲ့ လျှော့ချခြင်း တို့ကို ဖြစ်စေပါတယ်။ ထိုင်းနိုင်ငံရှိ မြန်မာဒုက္ခသည် ၁၀၀,၀၀၀ ကျော်ဟာအရေးကြီးတဲ့စားနပ်ရိက္ခာနဲ့ဆေးဝါးအကူအညီတွေ လက်လှမ်းမီမှု ဆုံးရှုံးခဲ့ပြီး ၎င်းတို့ကို အန္တရာယ်ကြီးစွာနဲ့ထားခဲ့ရပါတယ်။ ဒါပေမယ့်အဆိုပါ ရန်ပုံငွေဖြတ်တောက်မှုက အမေရိကန်ရဲ့ ဖြစ်စဉ်တစ်ခုသာ မဟုတ်ပါဘူး။မြန်မာနိုင်ငံမှာ လူသားချင်းစာနာထောက်ထားမှုအကူအညီအတွက် အကြီးဆုံးအလှူရှင်ဖြစ်တဲ့ ဥရောပအစိုးရအများအပြားဟာ ယူကရိန်းစစ်ပွဲအတွင်း နိုင်ငံတော်ကာကွယ်ရေးအသုံးစရိတ်အပေါ်…