ဒေါ်အောင်ဆန်းစုကြည်ကို လွှတ်ပေးဖို့ ဥရောပက မလွဲမသွေတောင်းဆိုရမှာဖြစ်ပြီး အဲဒီတောင်းဆိုချက်တွေကို လုပ်ဆောင်ချက်နဲ့ ထောက်ပံ့ပေးရမယ်လို့ဆို
စက်တင်ဘာ ၅၊ ၂၀၂၅။ သောင်ရင်းသတင်းလွှာ ဒေါ်အောင်ဆန်းစုကြည် ကျန်းမာရေးမကောင်းပါဘူး။ မြန်မာနိုင်ငံရဲ့ နိုင်ငံတော်အတိုင်ပင်ခံပုဂ္ဂိုလ်ဟောင်း အသက် ၈၀ အရွယ်မှာ နှလုံးရောဂါဟာ ပိုမိုဆိုးရွားလာတယ်လို့ ယုံကြည်ရလောက်တဲ့ သတင်းရင်းမြစ်တွေက ဆိုပါတယ်လို့ Indepedent သတင်းကစက်တင်ဘာ ၄ ရက်မှာဖော်ပြပါတယ်။ သူဟာနှလုံးအထူးကုဆရာဝန်နဲ့ ပြသပေးဖို့ တောင်းဆိုခဲ့ပြီး အခုအချိန်အထိ ငြင်းဆိုခံထားရဆဲဖြစ်ပါတယ်။ မြန်မာနိုင်ငံကို အုပ်စိုးတဲ့စစ်အစိုးရဟာ သူ့ကိုအရှင်လတ်လတ် မြေမြှုပ်နှံဖို့နဲ့ အပြီးတိုင် ချုပ်နှောင်ထားဖို့တတ်နိုင်သမျှ လုပ်ဆောင်ခဲ့ပါတယ်။ နေပြည်တော် အနီးရှိ တောတွင်း အကျဉ်းထောင်မှာအချုပ်အနှောင် ခံနေရပါတယ်။ သူရင်ဆိုင်ခဲ့ရတဲ့ တရားရုံးစစ်ဆေးမှုအများအပြားမှာတရားမ၀င် လမ်းလျှောက်စကားပြောစက်တင်သွင်းခြင်းနဲ့ နိုင်ငံတော်လျှို့ဝှက်ချက်အက်ဥပဒေကိုချိုးဖောက်ခြင်းအပါအဝင် မထင်ရှားတဲ့ရာဇ၀တ်မှုတွေနဲ့ ပြစ်ဒဏ်ချမှတ်ခံခဲ့ရတဲ့ကာလအတွင်း သူ့ကို ဗီဒီယိုလင့်ခ်ကနေတစ်ဆင့်သာ မြင်တွေ့ခဲ့ရပါတယ်။ အခုနှစ် ဇွန်လမှာ သူ့ရဲ့ အသက် ၈၀ နှစ်ပြည့် မွေးနေ့ကိုရောက်ရှိလာပြီဖြစ်ပြီး သူ့ အသက်အရွယ်ကို လိုက်လျောမှုမရှိဘဲ ဖြတ်သန်းခဲ့ရပါတယ်။ မြန်မာနိုင်ငံရဲ့ ၅နှစ်ကြာတစ်ပိုင်းတစ်စ ဒီမိုကရေစီ အရသာကို နိဂုံးချုပ်စေခဲ့တဲ့ အာဏာသိမ်းမှု လေးနှစ်ပြည့် ဖေဖော်ဝါရီမှာ ဗြိတိန်နိုင်ငံခြားရေးဝန်ကြီး ဒေးဗစ်လမ်မီက “ဒေါ်အောင်ဆန်းစုကြည်ကို လွှတ်ပေးပါ။ နိုင်ထက်စီးနင်း ဖမ်းဆီးထားသူတွေအားလုံးကို လွှတ်ပေးပါ။ မြန်မာပြည်သူတွေ ထိုက်တန်တဲ့ ငြိမ်းချမ်းရေးနဲ့ ဒီမိုကရေစီကို ပေးဆောင်ပါ” လို့ ပြောကြားခဲ့ပါတယ်။ မစ္စတာလမ်မီ က အဓိပ္ပာယ်ဖွင့်ဆိုထားတဲ့အတိုင်း ဒေါ်အောင်ဆန်းစုကြည်ကို ပြောင်ပြောင်တင်းတင်း စွဲချက်တင်ပြီးအကျဉ်းချခြင်းရဲ့ ရိုင်းစိုင်းမှုနဲ့မတရားမှုတွေဟာတလျှောက်လုံး ထင်ရှားနေပါတယ်။ (more…)