ပြိုကျနေသောထိုင်းနိုင်ငံတော်စာရင်းစစ်ချုပ်ရုံးထဲ ဖိုင်များဝင်ခိုးသူတရုတ်နိုင်ငံသား ၄ဦးကိုလျှော့ပေါ့စွာပြစ်ဒဏ်ချမှတ်၍ မကျေနပ်မှုများဖြစ်ပေါ်နေ

ဧပြီလ ၂၊ ၂၀၂၅။ သောင်ရင်းသတင်းလွှာ

ပြိုကျခဲ့သည့် နိုင်ငံတော်စာရင်းစစ်ရုံး၏ ဆောက်လုပ်ရာတွင်လုပ်ငန်းဖော်ဖြစ်သည့် China Railway Number 10 မှ တရုတ်နိုင်ငံသား ၄ ဦးကို တရားရုံးတစ်ရုံးက သဘာဝဘေးအန္တရာယ် ကာကွယ်ရေးနှင့် လျော့ပါးသက်သာစေရေး အက်ဥပဒေ ဖောက်ဖျက်မှုဖြင်း တစ်နှစ်ဆိုင်းငံ့ထောင်ဒဏ် ၂ လ နှင့်ဘတ်ငွေ ၆၀၀သာချမှတ်လိုက်သောကြောင့်မကျေနပ်မှုများဖြစ်ပေါ်နေကြောင်းသတင်းရရှိသည်။ ယင်းတို့ ၄ ဦးသည် ပြိုပျက်နေသော စာရင်းစစ်ချုပ်ရုံးထဲသို့ခိုးဝင်က ဆောက်လုပ်ရေးမှတ်တမ်းဆိုင်ရာအရေးကြီးဖိုင်တွဲ ၃၂ ခုကိုခိုးယူစဉ်ဖမ်းမိခဲ့ခြင်းဖြစ်ပြီး ယင်းသတင်းကိုဖော်ပြခဲ့သည့် Khaosod သတင်းဌာန Facebook ရှိသတင်းအောက်ခြေတွင် မကျေနပ်မှုများကို စာဖတ်ပရိသတ်များကဖော်ပြခဲ့ကြခြင်းဖြစ်သည်။

ကွန်မန့်တစ်ခုတွင်”ပြစ်ဒဏ်ကမလုံလောက်ဘူး”ဟုဖော်ပြထားပြီး အခြားကွန်မန့်များတွင်”၎င်းတို့နှင့် ၎င်းတို့၏ ကုမ္ပဏီအား တရားမျှတမှုကို အဟန့်အတားဖြစ်စေသည့် အထောက်အထားများကို ဖောက်ဖျက်၍ မည်သို့အရေးယူမည်နည်း” ဆိုထားသည်။ အခြားကွန်မန့်များတွင်လည်း “ဘာလို့သူတို့ကိုပြစ်ဒဏ်ဒီလောက်နည်းနည်းလေးပေးပြီးသင်ခန်းစာမပေးရတာလဲ”၊”၎င်းတို့သည်အကျင့်ပျက်စီးနေသော PRC ကုမ္ပဏီ၏နောက်လိုက်များသာဖြစ်သည်။ အသက်အန္တရာယ်ဖြစ်စေပြီး တိုင်းပြည်အရှက်ကွဲစေသော ယိုယွင်းပျက်စီးနေသော တရားခံလက်သည်အစစ်အမှန်ကို လိုက်ရှာပါ”စသည်တို့ဖြစ်ကြသည်။