ဧပြီ၊ ၅၊ ၂၀၂၅။ သောင်ရင်းသတင်းလွှာ
ထိုင်းနိုင်ငံ၊ ဘန်ကောက်မြို့မှာ BIMSTEC ထိပ်သီးအစည်းအဝေး လာတက်ပြီး အရှက်ရဖွယ်ဖြစ်ရပ်တွေနဲ့ တွေ့ကြုံခဲ့ရတဲ့ အာဏာလုမင်းအောင်လှိုင်ဟာ အစည်းဝေးပြီးပြီးချင်း၊ ညပိုင်းမှာ ဘန်ကောက်ကနေ နေပြည်တော်ဆီကို ချက်ချင်းပြန်လာခဲ့တယ်လို့ မြေပြင်သတင်းရင်းမြစ်တွေကပြောပါတယ်။ ပြီးခဲ့တဲ့ ဧပြီလ ၃ရက်နေ့က အာဏာလုမင်းအောင်လှိုင်ဟာ BIMSTEC အစည်းအဝေးတက်ရောက်ဖို့ ဘန်ကောက်ကို ရောက်ရှိလာပြီး တရက်တာ အစည်းအဝေးတက်ခဲ့ကာ မနေ့ညပိုင်းက အစည်းအဝေးအပြီး ချက်ချင်း နေပြည်တော်ပြန်ပြေးလာခဲ့တာလို့သိရပါတယ်။
“အတော်ပွဲဆူခဲ့တဲ့ ခရီစဉ်ပေါ့။ ဆန္ဒပြတာတွေ ဆန့်ကျင်ကြတာတွေ အများကြီး၊ ဝေဖန်မှုတွေအများကြီးနဲ့ကြုံခဲ့တဲ့ ခရီးစဉ်ပေါ့။ နိုင်ငံတကာအသိုင်းအဝိုင်းကလည်း မအလကို လက်မခံဘူး။ အစည်းအဝေးအပြီး ညတွင်းချင်းပြန်ပြေးလာတာ”လို့မြေပြင်သတင်းရင်းမြစ်ကပြောပါတယ်။ အရင်နိုင်ငံခြားခရီးစဉ်တွေမှာ အာဏာလုမင်းအောင်လှိုင်ပြန်လာရင် လူစည်းကားအောင် အိုးစည်ဗုံမောင်းနဲ့ကြိုဆိုကြသလို ဒိန်းဒေါင်တို့ ရန်အောင်တို့စတဲ့အဖြူရောင်အနုပညာရှင် (ဘောမ)တွေကကြိုဆိုခဲ့ပေမယ့် ဒီတခေါက်မှာတော့ စည်စည်ကားကားကြိုဆိုသူမရှိဘဲ တိတ်တဆိတ်ပြန်လာရတာဖြစ်ပါတယ်။
#သောင်ရင်းသတင်းလွှာ #ဘန်ကောက် #BIMSTEC #မင်းအောင်လှိုင်ရောက်လာ
