မေလ ၈၊ ၂၀၂၅။ သောင်ရင်းသတင်းလွှာ ငလျင်လှုပ်ခတ်ပြီးနောက်ပိုင်း အပစ်အခတ်ရပ်စဲရေး သက်တမ်းတိုးပြီး ရက်ပိုင်းအကြာတွင် မြန်မာစစ်တပ်မှထိုးစစ်ဆင်မှုကြောင့် လူပေါင်း ၃၀၀ ကျော် ထိုင်းနိုင်ငံဘက်သို့ ထွက်ပြေးတိမ်းရှောင်လာကြောင်း ထိုင်းစစ်တပ်ကပြောကြားခဲ့သည်ဟု မေလ ၈ရက်တွင် AFP သတင်းကဖော်ပြသည်။ မြန်မာနိုင်ငံသည် ၂၀၂၁ ခုနှစ် စစ်တပ်က အာဏာသိမ်းပြီးနောက် ပြည်တွင်း ပဋိပက္ခတွင် နစ်မြုပ်နေခဲ့ပြီး စစ်အစိုးရသည် တိုင်းရင်းသား လက်နက်ကိုင် အဖွဲ့အစည်းများနှင့် ဒီမိုကရေစီ လိုလားသော တော်လှန်ရေး အင်အားစုများနှင့် တိုက်ပွဲများ ဖြစ်ပွားနေပါသည်။ (more…)

မေလ ၈၊ ၂၀၂၅။ သောင်ရင်းသတင်းလွှာ ထိုင်ဝမ်သည် မြန်မာနိုင်ငံ KK Parkအဆောက်အ​ဦးရှိ လိမ်လည်လှည့်စားသည့် အလုပ်ရုံများမှ နိုင်ငံသား ၅၅ ဦးကို ကယ်တင်ခဲ့ပြီး ၎င်း၏ ပထမဆုံးသော နေရပ်ပြန်ပို့ရေး ကြိုးပမ်းမှုဖြစ်သည်။ မြန်မာနိုင်ငံက လူကုန်ကူးခံရသူ ၇,၀၀၀ ကျော်ကို အိမ်နီးချင်းနိုင်ငံများထံ ပြန်လွှတ်ပေးပြီးနောက် ယခုလို ဖြိုခွင်းလိုက်ခြင်းဖြစ်သည်ဟု RTI သတင်းကမေလ ၈ရက်တွင်ဖော်ပြသည်။ မကြာသေးမီနှစ်များအတွင်း မြန်မာနိုင်ငံ၊ မြဝတီမြို့နယ်ရှိ KK Park တွင် လိမ်လည်လှည့်ဖြားသည့် အလုပ်ရုံများတွင် ထိုင်ဝမ်လူမျိုးအများအပြားမှာ လိမ်လည်လှည့်ဖြားခြင်းခံခဲ့ရသည်။ ဒေသတွင်း အစိုးရက မကြာသေးမီက နှိမ်နင်းမှု စတင်ခဲ့ပြီး လူကုန်ကူးခံရသူ အများအပြားကို ထိုင်းနိုင်ငံသို့ ပြန်လွှတ်ပေးခဲ့သည်။ ထိုင်ဝမ်အာဏာပိုင်များသည်မေလ ၇ရက် ယနေ့ နံနက်အစောပိုင်းတွင် နိုင်ငံသား ၅၅ ဦးကို ထိုင်ဝမ်သို့ ပြန်လည်ခေါ်ဆောင်ခဲ့ပြီး၊ မြန်မာနိုင်ငံမှ ထိုင်ဝမ်သားကောင်များကို ပထမဆုံးအကြိမ်အကြီးစား ကယ်ဆယ်မှုအဖြစ် မှတ်တမ်းဝင်ခဲ့သည်။ ပြန်လည်ရောက်ရှိလာသူများထဲတွင် အသက်အကြီးဆုံးမှာ ၆၂ နှစ်ဖြစ်ပြီး အငယ်ဆုံးမှာ ၁၉ နှစ်ဖြစ်သည်။ ၎င်းတို့ထဲမှ နှစ်ဆယ့်ငါးဦးသည် မှုခင်းမှတ်တမ်းများနှင့်အတူ တရားခံပြေးများဖြစ်ပြီး နိုင်ငံတစ်ဝှမ်းရှိ တရားလိုရှေ့နေများထံ လွှဲပြောင်းပေးမည်ဖြစ်သည်။ (more…)

မေလ ၈၊ ၂၀၂၅။ သောင်ရင်းသတင်းလွှာ ကန်ချနပူရီပြည်နယ် နယ်စပ်အနီးတွင် မေလ ၆ရက်နေ့တွင် ပျံသန်းနေသည့် မြန်မာတိုက်လေယာဉ်တစ်စင်း ထိုင်းလေပိုင်နက်အတွင်းသို့ ဝင်ရောက်ခဲ့ခြင်းမရှိကြောင်း ဒုတိယဝန်ကြီးချုပ်နှင့် ကာကွယ်ရေးဝန်ကြီး Phumtham Wechayachai က အတည်ပြုပြောကြားခဲ့သည်ဟု ဘန်ကောက်ပို့စ်က မေလ ၈ရက်တွင်ဖော်ပြသည်။ Mr Phumtham က လေယာဉ်သည် နယ်စပ်အနီးသို့ ပျံသန်းသွားခြင်းမျှသာဖြစ်ကြောင်းမေလ ၇ရက်နေ့က ပြောကြားခဲ့သည်။ (more…)

မေလ ၈၊ ၂၀၂၅။ သောင်ရင်းသတင်းလွှာ ပြင်းအား ၇.၇ ရှိ သေကြေပျက်စီးမှုများပြားခဲ့သည့် ငလျင်လှူပ်ခတ်ခဲ့မှုအပြီး ကယ်ဆယ်ရေးနှင့် ပြန်လည်ထူထောင်ရေး လုပ်ငန်းများအတွက် စစ်အုပ်စုသည် ရှားရှားပါးပါး နိုင်ငံတကာမှ လူသားချင်းစာနာမှုဆိုင်ရာ အကူညီများ တရားဝင် တောင်းခံခဲ့သည်။ မေတ္တာရပ်ခံချက်ကြောင့် ကမ္ဘာတဝှမ်းရှိ အစိုးရများနှင့် ကော်ပိုရေးရှင်းများသည် ပျက်စီးမှုများနှင့် ဆင်းရဲဒုက္ခများ သက်သာစေရန် အလှူငွေမြောက်များစွာ ပံ့ပိုးကူညီခဲ့သည်။ နိုင်ငံတကာအစိုးရများမှ ဒေါ်လာ ၁၃၆.၈၈ သန်းခန့် အကူအညီပေးခဲ့သည်ဟု သတင်းရင်းမြစ်များက ဖော်ပြထားသည်။ ဒါပဲလား။ မဟုတ်ပါဘူး။ ကုမ္ပဏီများနှင့် မြန်မာခရိုနီများမှလည်း ဒေါ်လာ ၅၅.၈၈ သန်းခန့် လှူဒန်းထားသည်ကိုလည်း Justice For Myanmar မှ အစီရင်ခံစာထုတ်ထားသည်။ ထို့ကြောင့် စစ်အုပ်စုသည် စုစုပေါင်း ဒေါ်လာ ၁၉၂.၇၆ သန်း အကူအညီငွေ ရရှိခဲ့သည်။ သို့သော်လည်း ပမာဏကြီးလွန်းသော အကူအညီငွေကြောင့် ၎င်း၏ တကယ်ဖြန့်ဝေမှုနှင့် ထိရောက်မှုအပေါ် အရေးကြီးသော မေးခွန်းများထုတ်စရာ ဖြစ်လာခဲ့သည်။ (more…)

မေလ ၈၊ ၂၀၂၅။ သောင်ရင်းသတင်းလွှာ အကြာကြီးစောင့်ဆိုင်းပြီးနောက် မေလ ၇ရက်နေ့ညနေပိုင်းတွင် Sistine Chapel ၏မီးခိုးခေါင်းတိုင်မှ အနက်ရောင်မီးခိုးများထွက်ပေါ်ခဲ့ပြီး ကာဒီနယ်များသည် ပုပ်ရဟန်းမင်းအသစ်ကို ရွေးချယ်နိုင်ခြင်းမရှိဟု ဆိုလိုခြင်းဖြစ်သည်ဟု BBC သတင်းဖော်ပြသည်။စိန့်ပီတာရင်ပြင်တွင် ပထမအကြိမ် စည်းဝေးပွဲအတွက် လူထောင်ပေါင်းများစွာ စုဝေးခဲ့ကြပြီး ရလဒ်များကို ကြေညာရန် သုံးနာရီကျော်ကြာခဲ့သည်။ (more…)

မေလ ၈၊ ၂၀၂၅။ သောင်ရင်းသတင်းလွှာ ပြင်းအား ၁ ဒသမ ၅ မှ ၂ ဒသမ ၆ အဆင့်ရှိ အပျော့စားငလျင် ၆ ကြိမ်ဟာ မြန်မာနိုင်ငံနှင့် ထိုင်းနိုင်ငံမြောက်ပိုင်းတို့တွင်မေလ ၈ရက်နေ့ နံနက် (၈) နာရီက မှတ်တမ်းတင်ခဲ့ကြောင်း ထိုင်းမိုးလေဝသဌာနမှ သိရသည်ဟု The Nation သတင်းကဖော်ပြသည်။ ထိုင်းနိုင်ငံတွင် ငလျင်နှစ်ခု လှုပ်ခတ်ခဲ့ကြောင်း ငလျင်စောင့်ကြည့်ရေးဌာနက သတင်းထုတ်ပြန်ထားသည်။ (more…)

မြေငလျင်သတင်းအမှတ်စဉ် ၁၆၄ ===================== နေ့စွဲ ၇-၅-၂၀၂၅ လှုပ်ခတ်သည့်အချိန် - ၁၄း၀၅း၁၉ အင်အားပမာဏ - ၃.၅ ရစ်(ခ်)တာစကေး အနက် - ၂၅ ကီလိုမီတာ ဗဟိုချက်တည်နေရာ - ဖြူးမြို့၏ အနောက်မြောက်ဘက် (၁၄) မိုင်ခန့် (more…)

မေလ ၇၊ ၂၀၂၅။ သောင်ရင်းသတင်းလွှာ ထိုင်းနိုင်ငံ Don Tan ခရိုင်, Mukdahan မြို့တွင်ဒေါင့်သန်းရောဂါဖြစ်ပွားမှုကို ထိန်းချုပ်နိုင်ပြီဖြစ်ကြောင်း ကျန်းမာရေးအာဏာပိုင်များက အတည်ပြုခဲ့သည်ဟု Thai Enquire သတင်းကမေလ ၇ရက်တွင်ဖော်ပြသည်။ ဒေါင့်သန်းဘက်တီးရီးယားပိုးနှင့် ထိတွေ့သူ ၆၃၆ ဦးစလုံးသည် ယနေ့ စောင့်ကြည့်ကာလ ပြီးဆုံးသွားပြီးလူ ၉၈ဦးမှာ လိုအပ်သော စောင့်ကြည့်စစ်ဆေးမှုပြီးမြောက်ခဲ့သည်ဟုဆိုသည်။ အတည်ပြုလူနာ လေးဦးရှိပြီး တစ်ဦးသေဆုံးခဲ့သည်။ Mukdahan မြို့နယ် ပြည်သူ့ကျန်းမာရေးရုံး အကြီးအကဲ ဒေါက်တာ Narong Chankaew က ထိတွေ့ဖူးသူတိုင်းသည် ခုနစ်ရက်ကြာ ထိုးနှံရသည့်ကာကွယ်ဆေးကို ရရှိခဲ့ကြောင်း ပြောကြားခဲ့သည်။ (more…)

မေလ ၇၊ ၂၀၂၅။ သောင်ရင်းသတင်းလွှာ ထိုင်း-မြန်မာနယ်စပ်တလျှောက်ရှိဒုက္ခသည်စခန်းများတွင် စားနပ်ရိက္ခာလျှော့ချလိုက်သောကြောင့် ဒုက္ခသည် တစ်သိန်းကျော် ငတ်မွတ်ခေါင်းပါးမှုဘေး ကြုံနေရကြောင်း၊ အမေရိကန်အပါအဝင် အခြားအလှူရှင်နိုင်ငံတွေ အနေနဲ့ အစုအပြုံလိုက် ငတ်မွတ်ခေါင်းပါးမှုကို ချက်ချင်းအရေးယူ ဆောင်ရွက်ပေးဖို့ ကမ္ဘာတဝှမ်းမှ ကရင်လူမှုအဖွဲ့အစည်းများက ကြေညာချက်ထုတ်ပြန် တောင်းဆိုလိုက်သည်ဟု RFA သတင်းကမေလ ၇ရက်တွင်ဖော်ပြသည်။ နယ်စပ် ဒုက္ခသည်စခန်းများမှ ကရင် နှင့်ကရင်နီ (ကယား) လူမျိုး အများစုဖြစ်သည့် ဒုက္ခသည် ၁၀,၈၀၀၀သည် လက်ရှိတွင် စားနပ်ရိက္ခာနည်းပါးနေပြီး လူသားချင်းစာနာထောက်မှုအကျပ်အတည်းနှင့်ရင်ဆိုင်နေရသည်ဟုဆိုသည်။ အသက် ငါးနှစ်အောက် ကလေးများအတွက် ရိက္ခာ တစ်လ အမေရိကန် ၁.၅ ဒေါ်လာ (ထိုင်းဘတ် ၅၃ ဘတ်)၊ အသက် ငါးနှစ်အထက် အတွက် ရိက္ခာတစ်လ ၂.၄ ဒေါ်လာ ( ထိုင်းဘတ်ငွေ ၈၇ ဘတ်) အထိ သာ ရရှိသည်ဟုဖော်ပြသည်။ ယခုကဲ့သို့ မလျှော့ချခင်ကထဲက ဒုက္ခသည်များသည် အသက်ရှင်ရပ်တည်ရေးအတွက် လိုအပ်သောအနိမ့်ဆုံး စားနပ်ရိက္ခာထက် လျော့နည်းရရှိနေခြင်းဖြစ်သည်ဟုလည်းတသတင်းကဆိုသည်။ (more…)