ဇူလိုင်လ ၂၊ ၂၀၂၅။ သောင်ရင်းသတင်းလွှာ
မြန်မာ-ထိုင်း ချစ်ကြည်ရေးတံတား ၂ မှတစ်ဆင့် တယ်လီကွန်းလိမ်လည်မှုနှင့် အခြားရာဇ၀တ်မှုများတွင် ပါဝင်ပတ်သက်နေသည့် ယူဂန်ဒါ၊ နိုင်ဂျီးရီးယား၊ ကင်ညာနှင့် မဒါဂတ်စကန်နိုင်ငံသား လေးဦးကို မြန်မာနိုင်ငံမှ ယမန်နေ့က ပြည်နှင်ဒဏ်ပေးခဲ့သည်ဟု Global New Light of Myanmar သတင်းကဇူလိုင်၂ရက်တွင်ဖော်ပြသည်။ မြန်မာအာဏာပိုင်များသည် ချောမောစွာ နေရပ်ပြန်နိုင်ရေး သေချာစေရန်အတွက် လိုအပ်သော တရားဝင်စာရွက်စာတမ်းများကို ထိုင်းအာဏာပိုင်များထံ တရားဝင် ပေးအပ်ခဲ့သည်။
၂၀၂၅ ခုနှစ် ဇန်န၀ါရီလ ၃၀ ရက်နေ့မှ ဇူလိုင် ၁ ရက်နေ့အတွင်း မြန်မာနိုင်ငံတွင် အထောက်အထားမဲ့ ရွှေ့ပြောင်းနေထိုင်သူ စုစုပေါင်း ၉၁၈၀ဦးအား ဖော်ထုတ် ထိန်းသိမ်းခဲ့ပါသည်။ ယင်းတို့အထဲမှ၈၉၈၇ ဦးကို ထိုင်းနိုင်ငံမှတဆင့် သက်ဆိုင်ရာနိုင်ငံများဆီ ပြန်ပို့ခဲ့ပြီး ကျန် ၁၉၃ ဦးကို ပြည်နှင်ဒဏ်ပေးဖို့ စီစဉ်နေသည်ဟုဆိုသည်။ အဆိုပါ ပုဂ္ဂိုလ်များသည် လက်ရှိတွင် နေရပ်ပြန်ပို့ရန် စောင့်ဆိုင်းနေစဉ် ထိန်းသိမ်းခံနေရသည်ဟုဆိုသည်။
