admin

မြေကြီး၊ မြေပုံတည်မြဲရေးအတွက် မြင့်မြင့်တက်၊ ဝေးဝေးကြည့်နိုင်ကြပါစေကြောင်း ----------------------------------------------- ဒီဇင်ဘာ ၁၇၊ ၂၀၂၅။ သောင်ရင်းသတင်းလွှာ အမေရိကန်က ငွေလိမ်ဂိုဏ်းတွေနှိမ်နင်းဖို့ အထူးအလုပ်အဖွဲ့ ဖွဲ့တယ်။ဥပဒေပြဌာန်းတယ်။စကမ ပြောရေးဆိုခွင့် ဇော်မင်းထွန်းက Hidden Agenda ဖုံးကွယ်ထားတဲ့၊လျှိုဝှက်အစီအစဉ်ရှိတယ်လို့ထွက်ပြောပါတယ်။ နောက်ဆက်တွဲသတင်းမျိုးစုံတွေကတော့ ကျားဖျန့်တွေ ရန်ကုန်နဲ့မြန်မာပြည်အတွင်းပိုင်းမြို့ကြီး‌တွေကို ပြောင်းရွေ့အခြေစိုက်တဲ့သတင်းတွေတက်လာပါတယ်။ နောက် ထူးခြားချက်တစ်ခုကတော့ ရန်ကုန်အပါအဝင်မြို့ကြီးတွေမှာ ကွန်ဒိုအထပ်မြင့်အိမ်ရာအရောင်းမြင့်တင်ရေးကြေငြာတွေ အုံနဲ့ကျင်းနဲ့တက်လာတာကိုတွေ့ရပါတယ်။ တရုတ်ရဲ့ဖိ့အားနဲ့ကျားဖျန့်နိုမ်နင်းရေးကတော့ ကရင်ပြည်နယ် KK Parkနဲ့ရွှေကုက္ကိုလ်က ကျားဖျန့်စင်တာတွေဖျက်ဆီးပြတဲ့သတင်းနဲ့အချိန်ကိုက်ဖြစ်ပါတယ်။ တရုတ်သံအမတ်ကြီးက ဘားအံနဲ့မော်လမြိုင်ကို လက်တလောသွားပါတယ်။လန်းချန်း-မဲခေါင် စီမံကိန်းတွေ အတွက်ပြောကြားသွားတာ တွေ့ရပါတယ်။ တရုတ်က သူ့ရဲ့ ၅ နှစ်စီးပွားရေးစီမံကိန်းနဲ့ အိမ်နီးနားချင်းများပူးတွဲ အကျိုးခံစားခွင့်ဆိုတာကိုလည်း လက်တလော သံရုံးက ပြောကြားနေတာလည်း တွေ့ရပါတယ်။ နောက် တော်လှန်ရေးအဖွဲ့တွေရဲ့ ၁၉ဖွဲ့ တပ်ပေါင်းစုသတင်းက ရှေ့တန်းရောက်လာပါတယ်။NUG အပါအဝင်၊အဖွဲ့အများစုက အားပေးတဲ့သဘော စာထုတ်ကြတာကို တွေ့ရပါတယ်။ ပြောရေးဆိုခွင့် ခွန်ဘီထူးကလည်း NUG အပါအဝင်၊EROs များနဲ့လည်း ဆွေးနွေးခဲ့တဲ့အကြောင်းပါပါတယ်။ (more…)

ဒီဇင်ဘာ ၁၈၊ ၂၀၂၅။ သောင်ရင်းသတင်းလွှာ အာဏာလုစစ်အုပ်စုဘက်က မန္တလေး ဈေးချိုမှာ ဆန္ဒပြတဲ့ကိစ္စနဲ့ပတ်သတ်ပြီး ဆုကြေးငွေနဲ့ ဖမ်းဝရမ်းထုတ်ခံထားရတဲ့မန္တလေး လူထုသပိတ်ခေါင်းဆောင် ကိုထက်မြတ်အောင် ဖမ်းဆီးခံလိုက်ရတယ်လို့ သူ့ရဲ့ မိခင်အဖွဲ့အစည်းဖြစ်တဲ့ ရတနာပုံတက္ကသိုလ်ကျောင်း သားများသမဂ္ဂက ပြည်သူကို အသိပေးထုတ်ပြန်ထားပါတယ်။ မနေ့က ထုတ်ပြန်ချက်အရ ဆုကြေးငွေနဲ့ ဖမ်းဝရမ်းထုတ်ခံထားရတဲ့မန္တလေး လူထုသပိတ်ခေါင်းဆောင် ကိုထက်မြတ်အောင် ဖမ်းဆီးခံလိုက်ရပြီး သူ့အတွက် အသက်အန္တရာယ်ဟာ စိုးရိမ်ရတဲ့ အခြေအနေမှာရှိနေတယ်လို့သိရပါတယ်။ ဖမ်းဆီးခံထားရတဲ့ မန္တလေး လူထုသပိတ်ခေါင်းဆောင် ကိုထက်မြတ်အောင်ကို အာဏာလုစစ်အုပ်စုဘက်က ပြင်းထန်တဲ့ ရိုက်နှက်ထိုးကြိတ်တာတွေပြုလုပ်ခဲ့တာကြောင့် အသက်အန္တရာယ်အတွက်ပါ စိုးရိမ်ရတယ်လို့ ဖော်ပြထားပါတယ်။ (more…)